ليلة والذئب الحلبية

من طرف ابن فلسطين السبت أكتوبر 31, 2009 6:38 pm

كان يا ما كان
كانت ليلى ماشية بالغابة بنص الليل رايحة لعند نانتا والذئب المسكين وئفا لليلى وسئلا انت وين رايحة يا ليلى ردت عليه ليلى: وانت ايش دخلك ولاك بهيم وايش عم بتسوي هون بنصاص الليالي وليش عم بتسالني لوين رايحة ولي عليك شو حيوان نشالله بتعفسك سيارة بلا نمرة وبلا شوفير يا رزيل يا مبهدل يا ئليل الحيا ما عندك خوات كنة تفو عليك حيوان ومسكتو ليلى من ادنو وشلفتو سبع متار لورى وكملت ليلى مسيرتى لعند نانتا وهون ما لئاها الذئب حلوة بحئو بنوب بنوب وئال لحا لو هلأ بنت فصعونة ما بتطلع ئد رجلي تبهدلني وتشرشحني بنص الغابة ئدام الحيوانات الرايحة والجاية انا بفرجيكي يا ليلى اذا ما بفصل حنكك المهم راح الذئب وركب الذئب تكسي وطار طيران عبيت نانة ليلى ولما وصل دئ جرس الباب وئالت العجوز منو هاد اللي عالباب ئلا الذئب انا ليلى افتحيلي نانا واول ما فتحت الباب اتطلع فيا بطرف عينو بنظرة شريرة وئلا يبعتلك بئتلك شو انك جدبة مين ما ئلك انا ليلى بتفتحيلو الباب وانا اللي مفكرك ذكية وحربوئة وركض وراها ومن غرفة لغرفة ومن غرفة لغرفة حتى حصرا بزاوية ئوضة النوم وكل ما بدا تفتح تمها لحتى تحكي بكون اجالها الذئب بالكف على بوزا وئلا حاج تبعئي ختيارة الجن وئكلا وبنفس اللحظة وصلت ليلى وسمعت ولاويل وعياط ونطة نط لجوى البيت وشافت الذئب لما ئكل النانة وئلا الذئب اي فرجيني شو بدك تعملي هلأ ودارت عليه ليلى وقد تطاير الشرر من عينيها اي انا بفرجيك يا زئائي يا عفريت يا ظالم يا لئلوء واستلت ليلى من تحت البلوزة على خصرها سكينة بتطلع بطولها وشرحت الذئب وقطعت اوصاله هون خرجت النانة من بطن الذئب وهون حدثت المفاجئة حين صرخت ليلى وئالت يي انت مو نانتي منو انتي وايش عم بتسوي هون جاوبتها العجوز مو انتي ليلى بنت بنت جارتي ا م عبدو بالطابئ الرابع وئالتلا ليلى ليش هون انو طابئ جاوبتها العجوز هاد الطابئ الثالث والحئ عالاصنصور لانو معطل ومتشرك وبدل ما يطلع عالطابئ الرابع بيوئف بالطابئ الثالث وهون جاوبتها ليلى للعجوز معتذرة يي بس ما كون ازعجتك كرمال النبي لا تواخذيني حجة ها وهلأ برتبلك البيت وبخليه متل الليرة ووضعت جثة الذئب بكيس وشلفتها عن البلكون واستاذنت ليلى من العجوز وتوجهت لبيت نانتا......
وتوتة توتة خلصت الحتوتة
ملطوووووووووش